هلللللللوووو ؟؟
ما أسمع بليييز طولي صوتج كالعاده تساسرين روحج مادري شخايفه منه ؟؟
جنا : Rangoogah شعندج اليوم ؟؟؟؟
اممم والله مادري ليلحين !! ليش ؟؟
جنا : تصدقين الجو اليوم عجيب وحدي اشتهيت المدينه الترفيهية !!
نعـــم !!!!!
لوووووووووووووول من صجج جــنا ؟؟ عفيه شالطاري ؟؟
جنا : ماااادري ماااادري دووونت اسك مي !! بس جد جد اشتهيت الترفيهيه شلون بتيين ؟؟ ولا اخذ لجين وسعود ؟؟ واروح!!
يحليلج قاعده تهدديني مثلا ؟؟ اخذي اليهال وروحي انتي اللي بضيق خلقج !!
جنا : بلييييز ياللله لاتصيرين جذي ..!!
اممم مادري اسأل مشاري واردلج خبر ..
جنا : اكييييد اذا مااشتهيتي مشكله !! تقطينها براس مشاري ّّ
واااي ابيييه ذبحتيني انا ادرى بظروفي خليني اشوف واردلج خبر
جنا : اوكي عندج لي 4 العصر ولا ترى بنمشي ..
-----------------------------------------
حبيبي مشاري ..... شنو بتسوي اليوم ؟؟
مشاري : ولا شي بنزل اتغدى ويا ابوي ..
اوكي وبعدين ؟؟
مشاري : مادري " كالعاده كله معلقني هالولد :(
امممم زين انا بروح بيت ابوي اوكي ؟؟ ويمكن اطلع مع جنا واخواني ..
مشاري : اوكي حبيبتي الله معاج تيك كير " طبعا روحي والألب داعيلج بس خليني اكمل الجييييم " لوووول
-----------------------------------------------
جنا يالله بدلو انا بالطريج 5 دقايق وانا واصله انشالله
جنا : اوووووووكي " والابتسامه وصلتني عبر الاسلاك الهاتفيه "
اقووول جنا خلينا نروح بسيارتج لانه سيارتي لازم ادخلها السيرفس وتعيزت هالويك اند اخاف امشي فيها زياده
جنا : اووكي بس انشالله تكفي بايك لجين عشان ماتحن علتنا اهناك تعبت وشيلوني !!
لوووووووووووول اييي عفيه مالي خلق تحن علي up up plz
توكلنا على الله متجهين إلى المدينه الترفيهية !! ادري بتقولون رحله واهيا صج رحله وطبعا ماتحلى الطلعه
إلا بالغناوي " استغفر الله " !! بس شسوي الواحد :( الله يهدينا !!
" بتعدي بحتـــه أنا ألبي بيتكســـر ميــــت حـــته !! أفضل بمكاني انشالله ل 6 الصبح بفكــــر فيــــك "
" تآبلني بسكه أصادي تفوت ببأه انا على تكـــــه ومش مزبوووط حد يأولي انا اعمل ايييه حكمني علييه "
سعود : جنااا حطي " ماروووم " ؟؟
كالعاده سعود يعلق على اغنية ويبينا نشغلها طول الطريج !! بس دا بوعدوووه وراه جنا :)
جنا : بس سعوووود ترى اذيتني كل مااحط اغنية تقوللي حطي غيرها !! انطر تخلص ويمشي ال سي دي !!
جنا وسعود محد راح يغير الجسمي انا احب هالاغنيه :) !!
سعود : ابيييييه ترى لجين نامت شلوون ؟؟
خلها سعود تريح الطريج طويل وشكلها جنا مضيعه !!
جنا : مومضيعه ولاشي الحين نوصل انشالله
" اي سوري نسيت انج بو العريف " هذا نكج من زمان مستحيل شي ماتعرفينه ولاتضيعين
جنا شخصيه حلوه :) دكتوره اسنان وذكيه مشالله بس مشكلتها انها تعرف كلشي .. اللي تعرفه واللي ماتعرفه وانتو فهموها عاد
سعود : لووووووووووووووووووول
جنا : @@ تخزني
----------------------------------------------------
لجين : اللللللللللللللله العااااااااااب العاااااااااب WE ARRIVEEEE
سعووووود بليييز صورني بالمدخل
سعود + جنا : لووووووووووووول شفيج جوى هنديه ؟؟ تموتين على التصوير
جنا : صورها صورها عند مدخل ديزني لاند !!!
سعود : اي عالم نبدي ؟؟
جنا : بالترتيببب
---------------------------------------------------------
جنا : لو سمحت التذكره شامله جميع الاالعاب ؟؟
الموظف : ايوه معزم الألعاب يافندم
جنا : بجم التذكره ؟؟
الموظف : 3.5
جنا : واللي مايبي يلعب ؟
الموظف : يدفع كمان يافندم اوكي التوتل 10،5 ليكم كلكم 3 اشخاص
سعود : ولجين ؟؟
جنا : انت ماتيوز من لقافتك الريال ماذكرها خلاص ليش تفططن ؟ لايلاه الله عليك
لجين : ليش لايلاه إلا الله ؟
بس لجين حبيبتي
سعود : لوووووووووووول
الموظف : تحت 3 سنين مانخدش عليها
جنا : احسن بعد
في نوت لازم اقولكم عليه .. لجين كتكوته عمرها سنتين ونص اهيا اختنا الصغيره :) واسمله عليها شيطونه شوي
وكلمة " ليــــــــش ؟ " عندها مقدسه !! توها متعلمتها وذابحتنا فيها :( كلشي بالدنيا ليش !! وياريت توصل لي نتيجه
الحوار ماينتهي ..
حطي يور سيت بيلت لجين ..
لجين : ليش ؟
عشان السيت بيلت بروتيكت يووو
لجين : ليــــش ؟
عشان الله لايقوله اذا سوينا اكسدنت انتي مايصير فيج شي
لجين : ليــــــــش ؟
بس لجين حبيبتي
لجين : ليـــــــــش ؟
لجين ترى مااوديج العاب معانا سكتي
لجين : ليـــــش ؟
لووووووووووووووووووول إلا مالا نهايه :)
-----------------------------------------------------------
سعود : ابي اركب الجندوووول
جنا : تصدقون مشتهيا العب بالقبه ؟؟ لوووول شخباري
وانا ابي اركب قطار الموت ضرووووري من زمان مااخترعت لووول !!
-----------------------------------------------------------
جنا : يالله كالعاده اول شي نركب الحصن !! نعيش ايام الطفوله
وفجأه كلنا وقفنا ؟؟
سعود : بابا ليش هذا لعبه ظلمه ؟؟
الموظف : هذا خربان ..
جنا : وييييي ياحظي !! ليش خربانه حسافه يالله مو مشكله حنروح السندباد ..
ابيه جنا مو جنها تخرع ؟؟ شلون تدخل لجين ؟؟
جنا : عادي يبا دخليها تتعود ..
سعود : الللللللللله لجين العااااب
جنا : اييي لجييين العاب اللللله
وكلنا قمنا نضحك عشان نضيع الوضع وماتخاف لانه فيها مرحله تصير اللعبه ظلمه خبركم
لجين : ماابي بليييي خلاااص مو نااااايس " زر عقلها مسكينه
سعود : اللله ابي الصحن !!
الموظف : التذكره مو شامله هاللعبه
جنا : شلون الموظف يقول شامله كل الالعاب ؟؟ " وبدت تتحلطم
طوفي جنا يالله سعود روح قصلك تكت ..
سعود : تركبون معاي ؟
لوووووووووول ضروري سعود !! روح انت العبها الوووون
-------------------------
سعود : يالله قطار الموت ؟؟
ونمشي ونمشي ونمشي ...
ولا هم مظلم ؟؟ شالسالفه ؟؟
سعود : بابا هذا لعبه شفيها بعد؟؟ " قلب الاخ هندي شنسوي بعد وسيله التفاهم مع الجاليه الهنديه "
العماله : هذا خربان !
جنا : نعـــــــــــم @@ شنو خربان !!!!! انا ليش يايه ؟؟ الحصن خربانه وقطار الموت خربان !!
عساني يايه امشي بس ؟؟
سعود : اللللللللللللله الدردووور !!
اللللله شكلها نايس يالله ..
العماله : ماما لازم تذكره دينار
" لاتعليق "
جنا : والشر يتطاير من عينها .. قصلنا ياسعود حسبي الله عليك ياللي قلت التذكره شامله كل حاجه !!
وركبنا الدردور وكانت لعبه حلوه واستانسنا ..
جنا : يالله امشو الجندول دام تسبحنا ؟؟ نتسبح مرره وحده ..
العماله : لا ماما جندول خربان !!
جنا : لااااا عاااااد هزلت !!
سعود : اي والله !!
انا اقوووول ؟؟ لو رايحين حديقة الشعب وايد احسن !!
شنو هذا ؟؟ الجندول وقطار الموت والحصن كلهم خربانين والبقية تاتي !!
جنا : انا حظي كله جذي لما اشتهي شي الف عله وعله تطلعلي فيه حتى الترفيهيه اختربت يوم بقيت اروح لها !!
اي والله صارلنا يمكن 10 سنين ماطبيناها لووول !!
----------------------------
سعود : امشو القبه !!
اي انا خبري في لعبه تفتر تخض الراس !! ماكو غيرها
مشينا ومشينا ومشينا
لجين : بليييييييييز جوى اب اب اب
نووووووووو لجين بليز مااقدر بروحه جوتيي مليق
وبدت سلسلة
ليــــــــــش ؟ ليـــــــــش ؟ ليـــــــــــش ؟
----------------------------
واخيرا وصلنا القبه !! وانا اقولهم .. لااااااااا مو هذي في غيرها !!!!
جنا : شنو اللي غيرها ؟؟ هذي اهيا !!
ابيييه نو وااي كان فيها العاب ثانيه ؟؟
جنا : تطالع يمين ؟؟ وتطالع يسار ؟؟ وبكل خيبة امل تقوللي !! :
جوى هذي اهيا بس لعبه خربانه وكاهي مظلمه ومسكرينها والثانية غيروها وحطوها لعبه حق اليهال !!
--------------------------------
وقفنا كلنا نتامل المكان ؟؟ بضيقة خلق وكآبه !! كانت رحله تعيسه للأسف
جنه المكان اللي تغير بيتنا مو المدينه الترفيهيه ..
بتقولون لي شدعوه ؟؟
بقولكم شعندنا غيرها ؟؟ هذي تعتبر من الانترتينمت اللي بالكويت لما ايونا سياح ؟؟ ويسالون عن الاماكن الترفيهيه
بالكويت ؟؟ يقولون لهم المدينه الترفيهيه !!
بس انا اقولهم احسن يقولون لهم " المدينه التكئيبيه " !!! لانه جد تكدر الخاطر وتييب الكآبه !!
احترامي للمسؤولين وللمشروعات السياحيه .. وينكم عنها ؟؟
هل قاصرنا فلوس ؟؟ مااتوقع لانه لوقاصرنا جان ماتبرعنا بالهبل للخارج !!
فيها اجزاء ظلمه .. كئيبه تخرع !! والالعاب اللي انا بس مريت عليهم فوق ال 4 او 5 مسكرين وخربانين !!
تحياتي للترفيه اللي بديرتنا !!
مقتطفات :
عندي شال هدية من مشاري قيمته المادي والمعنويه غاليه عمري مالبسته محتفظه فيه ومادري شنو اللي ذكرني فيه ولبسته بهالرحله عشان يدفيني .. ولما رديت البيت اكتشفت انه مو على جتفي وانه طاح او انسحب من جتفي الله واعلم " وتكتمل المأساة "
لجين طاحت شبه مريضه .. الظاهر حاشها هوى ومع الماي اللي باللعبه كملت السالفه !!
تمنيت اني اسوي رحله للمسؤولين حق المدينه الترفيهيه يمكن مو شايفينها من زمان :)
